23 May 2007

لعبـــة



روحي تلازم ملامحك .. تود أن تصادقها
سأصبح يوماً مثلك وتصير يوما مثلي ...؟!"ــ


ألعبُ فوق ميزان قديم
أزوده باحمال جديدة
كل يوم
ثم أعود لأزيحها
و أؤرجح أوزاني كثيرا
أفرح مثل طفل صغير...ـ
إذا ما استوت الكفتان ...ـ
وأضع اشياء غريبة
كي أجرب .. كيف سيقيسها الميزان
أخفيفة هي .. سوف أطير معها
أم ثقيلة .. بالقدر الذي يترك أثراً
فوق جدران قلبي ؟
و ما تلك الأشياء التي
سوف تتفق في الوزن؟
على الرغم أني لم أدرك بعد
كل تفاصيل روحك ...ــ
إلا أنني اتمنى لها ان
تتأرجح مع أحلامي..ـ
حتى تصل إلى تمام الاتزان ...!ــ

7 comments:

santakarim said...

i like it when u go simple, i loved the picture u draw

Omar Mostafa said...

حقيقي.. ميزان القلوب حساس، يا بيودي الجنة يا بيودي القسم، وغالباً بيودي القسم

الفيلسوف said...

ما اظنش انك حاتقدرى توزنيه بالضبط يا سلمى ..لان الموضوع عواطف ..نسبى ؟ يا اما ثقل القلب على قلب عاشق ..فهو خف الريشة ..يا اما ثقل القلب بالعافية ..و ساعات يبقى عافية من طرف واحد يعنى ؟متعشم ؟ انما اهى عافية ..ساعتها يبقى تقل ( دم ) و فى الحالتين ناهيكى عن النسبية مش حاتفضى توزنى؟و مش حاتفضى تحللى مين اختلط بمين و بنسبة كام؟ الموضوع كيميا تانية ..ياريت تتوجد فى عالمنا يوما؟

Radwa said...

كي أجرب .. كيف سيقيسها الميزان
أخفيفة هي .. سوف أطير معها
أم ثقيلة .. بالقدر الذي يترك أثراً
فوق جدران قلبي ؟
و ما تلك الأشياء التي
سوف تتفق في الوزن؟

انت كده كلامك موزون صح

بلال حســــنى said...

جميل تحميل كلمة تقل على الميزان المعانى دى
لوهله تخيلتها هموم يوميه
او تقل فى علاقة صاحب القصيده بالشخص
او تقل بالمعنى المجرد للكلمه عشان يدى توازن

وجميل ربط ده_ مع انه تقيل_ بمشاعر طفل بيفرح بالاتزان وبينبهر باكتشاف مياكنزم الاثقال
تقلها
حجمها
الاشياء المتفقه من زواية الوزن

جميل دوخان فكر حد وتقعيده وربطه فى ذات اللحظه باستدعاءك لطفل جواكى ادام الميزان

وجميل كمان قفلة القصيده ال قليل لما تبهرنى عند حد
لانك رجعتى ببساطه لبيت القصيد
التأرجح ده ال بين الاثقال بين روحين

لأ وكمان وضعها فى صورة امنيه
وال بيتهيألى ادى بعد كل الابيات قبلها معنى ماضي كأنه حدث ومر
نهاية القصيده عند البيت ده غيرت ميزان الزمن لفعل تمنى
وخلى استمراية كده للتأرجح كان صعب تخطى القصيده من غيرها
لانها مستمرة بعد انتهاء حد من قرايتها


جميله القصيده
اه وحقيقي او يمس
فكرة عدم ادارك كامل التفاصيل لروح الشخص الموجه له القصيده
وبدون الدخول فى طريقه مأساويه لا
قلتيها كما لو انها مش تزعل لحقيقيتها
وانك بتعلى عليها


القصيده حلوة

Salma El Banna said...

karim : simplicity is the king of all arts ;)

عمر - الميزان ده عمره ما بيثبت ابدا في مكانه او صعب اوي يثبت على حال - زي اي حاجة في حياتنا تقريبا

الفيلسوف
احلى حاجة في راي في العلاقات الانسانية عدم ثباتها زي كفتي الميزان - وده بيخليها برده زي البحر مش النهر مثلا او المياه الراكدة - ولما العلاقة بتوصل للمياه الراكدة بتبقى ابوخ حاجة تقريبا

سندريلا
ميرسي اوي لقراءتك و تواجدك

بلال
اولا بجد حلو اوي قراءتك وتحليلك للقصيدة ومتابعتك لما اكتب
تحليل القصيدة بالشكل ده بيخليني اشوف ابعاد تانية مش بشوفها كتيررر فعلا الا لما حد بيحكي ازاي قرا القصيدة
ميرسي

Anonymous said...

خاطرة رائعة..
مقدرتش ماسيبش تعليق هنا