25 Jun 2008

بعد طوووووووووول انتظاررر

اخيرررررررررررررررا
ستائر بيضاء
ديواني المتواضع (بعد طول انتظار ) في صناديق البريد
اتمنى يكون وصل لكم ولو ماوصلش حيكون في الطريق انتم عارفين البريد المصري بقى
وتلاقوا كمان معاه صورة فوتوغرافية مصوراها صديقتي المدونة الجميلة
ملاحظة : قهوة زيادة قالتلي في مكالمة تهنئتي بالديوان وضحكتني بجد ان الصورة اللي كنت حاطاها في البروفايل
هنا على البلوج كانت صورتي وان الشعر الطاير ده بتاعي-----!!!!ـ
فقلت وماله - خدعة -
اضافة و تحديث طرا عليا - وقررت اعمله في نفس البوست عشان الناس تفضل فاكرة
الستائر البيضاء
نوع من الانانية بس ياللا شوية كده من حقي
المهم اني عايزة اسال اي حد يدخل هنا - ايه اللي بيعجبكم اكتر تقروا حاجة زي نصوصي الهادئة والتي- غصب عني- احيانا تكون مياهها راكدة بعض الشئ - ولا تقروا حاجة راي مجنون لحد في مدونة قد يكون نيته بيها بروباجندا وانه يجذب انتباه الناس ويخليهم يقروااللي بيكتبه اكتر او قد تكون نيته طيبة وسليمة تماما وبيعبر عن راي شخصي بحت بس يمكن مختلف حبتين عن الناس فتلاقي كله جي يهزئه ويتنرفز عليه ؟
ماهو اصله الخارج عن عرف "الديك" المصري يبقى غبي او فنان لاسع
ايه الاحلي دلوقتي - النار الهادية اللي احتمال تطبخ لك الاكل حلو اوي بس ممكن تموت من الجوع عبال ماتستوي بس اكيد حتستمتع بيها اوي ولا النار العالية اللي تخلص الاكل بسرعو بسرعة الهم تاكل وخلاص