20 Aug 2006

1st tag by KARIM

على فكرة المرة الجاية انا بقى اللي حئلف لكم تاج ... فلسفي حبتين
هل أنت راض عن مدونتك شكلاً وموضوعاً؟
بوجه عام ..انا مبسوطة لحد دلوقتي من التغييرات اللي قدرت اعملها في البلوج،، وطبعا بمساعدة كريم
ومدونة بنت مصرية، وحفضل اغير في شكلها دايما لاني بحب التغيير بشكل دائم،
اما عن الموضوعات فانا هنا مش حاطة كل اعمالي اللي كتبتها، بس بدات اتشجع احط بعض الافكار والتاملات من النوع الغير مختصر!! وهنا بتشجع اكتر على ده،لان غالبا التعليقات قليلة غير المنتديات

هل تعلم أسرتك الصغيرة بأمر مدونتك؟
عادي بالنسبة لهم لانهم عارفين اني مجنونة نت وده مش اول سايت اعمله لكتاباتي
هل تجد حرجاً فى أن تُخبر صديقاً عن مدونتك؟
مش فكرة حرج .. فكرة اني غالبا بعرف ناس كتير مش بتهتم .. فبالتالي مش بهتم انا كمان واقولهم
هل تعتبرها أمرا خاصا بك؟
لا، لانه فيه كتاباتي اللي يمكن كنت زمان بعتبرها حاجة خاصة انما دلوقتي لا
هل تسببت المدونات بتغيير إيجابى لأفكارك؟
بتعرف فيها على نوعية جديدة من الكتابات وافكار مختلفة ،، لكن اعتقد انه لو على الاستفادة فانا استفدت زمان من بعض المنتديات اكتر من المدونات
هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
عادة انا رحالة بين صفحات النت واحب اكتشف كل انواع المواقع ، فاي حاجة بحب اطلع عليها ،، وطبعا مش بركزغير عللي يستحق...
ماذا يعنى لك عداد الزوار.. هل تهتم بوضعه فى مدونتك؟
هو انا لقيتها فكرة عبقرية بصراحة عشان اعرف فيه حد مهتم يقرا لي ولا انا بكتب في الهوا
هل حاولت تخيل شكل اصدقائك المدونين؟
ده كان بيحصل زمان اول ما بدات ادخل للنت ، لكن دلوقتي عارفة ان اغلب الناس على النت حاجة وفي الواقع حاجة تانية (غالبا ) عشان محدش يزعل
اعترفـــ هل ترى فائدة حقيقية للتدوين؟
الفايدة القوية اللي انا شايفاها انها حاجة حرة من غير شروط،، مستقلة بتتيح ليا دمج كل اللي بحب اعمله في مكان واحد،
هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
يعني الحقيقة ان مجتمع المدونين دونا عن المنتديا ت مثلا هو الاقرب شكلا للحقيقة لانه بيظهر كل فرد اما بسطحيته او عمقه لكن بشكل اكتر جرأة احيانا
هل يزعجك وجود نقد بمدونتك ؟ أم تشعر انه ظاهرة صحية؟
انا لا يزعجنني النقد على الاطلاق الا اللي بيكون بشكل او اسلوب مش لائق او لاذع بمعنى اخر
هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
غالبا كلهم بيقولوا كلام واحد او في اتجاه واحد ولو قالوا جديد مش حكون مهتمة اوي لاني مش بفضل السياسة في حد ذاتها، اما صدمتي فمكنتش صدمة كانت دهشة الصدفة اللي خلت حد من المدونين يكون معتقل ،
هل فكرت فى مصير مدونتك حال وفاتك؟
يعني تقدر تقول السؤال بشكل مختلف عشان اقدر اجاوب عليه ، خليها: حاسس ان مدونتك مثلا جايز تسيب اثر وحد يفتكرها بعد ما اموت؟ طبعا اتمنى
لكن اكيد محدش حيفكر في البلوج بتاعته وتصعب عليه انها تقف من بعده مثلا...
آخر سؤال : تحب تسمع أغنية إيه- بلاش صيغة آمال فهمى دى - ما الاغنية التى تحب وضع اللينك
خليها على صيغة امال فهمي نفسك تسمع معانا ايه دلوقتي///عشان انا بحط حاجات كتير في البلوج بتاعي
عايزة دلوقتي اسمع :ايديا في جيوبي وقلبي طرب:محمد منير
اكتب اسماء خمسة مدونين ليقوموا بهذا الاستقصاء بعدك
دول بس اللي بتابعهم بشكل قوي والباقي وصلهم التاج خلاص

2 comments:

محمد أبو زيد said...

شكرا لك يا سلمى

Merayat said...

مستنية بقى اشوف ردك على ال tAG
...........